Ақпарат

«Алматы облысы білім басқармасының Талдықорған қаласы бойынша білім бөлімі» мемлекеттік мекемесінің «№2 орта мектеп» коммуналдық мемлекеттік мекемесінде Жалпыға бірдей білім беру айлығы бойынша Республикалық қайырымдылық «Мектепке жол» акциясы жүргізілуде.
«Мектепке жол» акциясының іс-шаралар жоспары құрылып, бекітілді. «Мектепке жол» қабырға ілмесі дайындалып, дәлізге ілінді.
«№ 2 орта мектептің» № 28 кабинетінде тұрмыс жағдайы төмен, жекелеген санаттағы білім алушыларға көмек көрсету үшін қабылдау орны жұмыс жүргізеді.
Мектеп ұжымы,ата-аналар және демеушілердің қатысуымен 1-11 сыныптардағы көмекке мұқтаж білім алушыларға мектеп формасы, оқу құралдары,азық-түлік ретінде көмек көрсетілуде. Сондай-ақ қалалық мекемелер мен ұйымдар акцияға белсене қатысуда.Атап айтқанда, Талдықорған қаласының әкімдігі, «Каспий банк» және «Мәдениет басқармасы».
Мұқтаж жандарға қол ұшын беріп жатқан барлық мейірімді жандарға АЛҒЫСЫМЫЗ ШЕКСІЗ!
Аталған акция жыл бойы жалғасын табады.